Það vekur mikla athygli þar sem Hilton er 42 ára gamall og er þar af leiðandi elsti leikmaður frönsku úrvalsdeildarinnar.

„Ég veit að þetta er minn síðasti samningur og því er þetta mjög sérstakt fyrir mig. Mig dreymdi um að spila til fertugs en núna hef ég tækifæri að spila þangað til ég verð 43 ára," sagði Hilton.

Hilton kom til Montpellier sumarið 2011 og er hann enn byrjunarliðsmaður þrátt fyrir að vera kominn vel á aldur. Hann byrjaði alla leiki Montpellier í frönsku úrvalsdeildinni á tímabilinu sem kláraðist á dögunum.

Keppni í frönsku úrvalsdeildinni var hætt á dögunum vegna kórónuveirufaraldursins. PSG var afhentur meistaratitillinn og féllu Toulouse og Amiens úr deildinni.