Kean hélt partí í húsi sínu í Cheshire héraði og birti myndbönd í lokuðum Snapchat hóp sem rötuðu í bresk götublöð. Það sáust ungar konur meðal annars gefa kjöltudansa í myndböndunum.

Þetta gerðist allt saman þrátt fyrir strangar reglur um útgöngubann í Bretlandi vegna kórónuveirufaraldursins. Í Bretlandi hafa rúmlega 236 þúsund manns smitast og tæplega 34 þúsund látist vegna veirunnar.

Í grein The Athletic segir að Kean sé sjái mjög eftir gjörðum sínum og að hann vissi hreinlega ekki að hann væri að brjóta reglur. Kean er enn að ná tökum á ensku og hann skildi ekki alveg hvað mátti og hvað mátti ekki.

Kean, sem er tvítugur að aldri, hefur átt erfitt með að aðlagast lífinu á Englandi frá því hann kom frá Juventus fyrir 25 milljónir punda síðasta sumar. Everton er hins vegar ekki tilbúið að gefast upp á sóknarmanninum unga alveg strax.