Giorgio Chiellini, varnarmaður Juventus, er að gefa út ævisögu þar sem mikið kemur fram.
Chiellini talar um Sergio Ramos, fyrirliða Real Madrid, í bókinni, en hann gefur það í skyn að Ramos hafi vitað nákvæmlega hvað hann var að gera þegar hann meiddi Mohamed Salah í úrslitaleik Meistaradeildarinnar 2018.
Salah fór meiddur snemma leik í úrslitaleiknum eftir viðskipti sín við Ramos. Stuðningsmenn Liverpool voru í kjölfarið brjálaðir út í Ramos sem er umdeildur leikmaður.
Chiellini lýsti Ramos sem besta varnarmanni í heimi og sagði hann: „Það var meistaralega gert hjá honum. Sergio hefur alltaf talað um að þetta hafi verið óviljaverk. En hann vissi það alveg að með því að falla á þennan hátt, án þess að losa takið sem hann hafði, þá væri hann að fara að brjóta handlegginn á andstæðingnum í níu af tíu skiptum."
Þess má geta að Real Madrid vann leikinn gegn Liverpool 3-1, en Liverpool vann Meistaradeildina svo árið síðar - á síðasta tímabili.
Athugasemdir