Eintracht Frankfurt fékk Borussia Mönchengladbach í heimsókn í síðasta leik dagsins í efstu deild þýska boltans, sem fór aftur af stað í dag eftir rúmlega tveggja mánaða fjarveru vegna kórónuveirunnar.
Gladbach var 0-3 yfir þegar heimamenn reyndu að koma til baka á lokakafla leiksins. Þeir náðu að minnka muninn niður í tvö mörk en skömmu síðar komust gestirnr ansi nálægt því að bæta fjórða marki sínu við, ef ekki fyrir magnaða línubjörgun Martin Hinteregger.
Jonas Hofmann var kominn einn í gegn, framhjá markverðinum og með opið mark fyrir framan sig að undanskildum Hinteregger, sem tókst að verja skotið glæsilega og halda von sinna manna um endurkomu á lífi.
Frankfurt tókst ekki að koma til baka og urðu lokatölur 1-3, fjórða tap liðsins í röð í deildinni.
Viaplay sýnir þýska boltann á Íslandi.
Amazing block by Hinteregger vs M'Gladbach from r/soccer
Athugasemdir
