Norski sóknarmaðurinn Erling Braut Haaland er ekki hættur að skora þrátt fyrir að vera í dag að spila sinn fyrsta fótboltaleik síðan í mars.
Það er kominn hálfleikur í leik erkifjendanna Dortmund og Schalke, og er staðan 2-0 fyrir Dortmund.
Haaland skoraði fyrra markið eftir laglega sókn Dortmund. Markið má sjá hérna. Norðmaðurinn efnilegi er núna búinn að skora tíu mörk í níu deildarleikjum fyrir Dortmund.
Það var athyglisvert hvernig leikmenn Dortmund fögnuðu markinu. Haaland tók ekki sitt venjulega zen-fagn, en tveggja metra reglan var virt eins og sjá má hér að neðan.
This celebration from Haaland tho pic.twitter.com/94wygGkIFl
— Simo (@S1Moo_96) May 16, 2020
Athugasemdir