Hinn efnilegi Finnur Tómas Pálmason hefur komið sterkur inn í topplið Pepsi Max-deildarinnar, KR.
Finnur er fæddur 2001 og hefur leikið alla sína tíð með KR, fyrir utan sumarið 2018 þegar hann var lánaður til Þróttar.
Hann hefur leikið síðustu fjóra leiki KR í Pepsi Max-deildinni og staðið sig vel. Fjölmiðlamaðurinn Ingvi Þór Sæmundsson birtir athyglisverða tölfræði á Twitter sem má sjá hérna að neðan.
Hjörvar Hafliðason, Dr. Football, var meðlýsandi á leik ÍA og KR í Pepsi Max-deildinni. Hann er sannfærður um að það félög séu að fylgjast með þessum efnilega varnarmanni.
„Hann er vel spilandi miðvörður. Það er gaman að sjá KR-inga henda honum í svona ábyrgðamikið hlutverk. Ég er sannfærður um að það séu einhver félög að skoða hann. Það er hellingur í þessum strák," sagði Hjörvar.
Finnur Tómas endursamdi við KR í síðustu viku.
KR síðan Finnur Tómas kom inn í liðið: 5 sigrar í 5 leikjum, markatala 10-3, 3x haldið hreinu. Á eftir að fá stærri próf en byrjunin lofar mjög góðu.
— Ingvi Þór Sæmundsson (@ingvithors) June 15, 2019
Athugasemdir