Argentíski miðjumaðurinn Giovani Lo Celso er metinn á 70 milljónir punda af félagsliði sínu, spænska úrvalsdeildarliðinu Real Betis.
Þetta herma heimildir Sky Sports.
Þetta herma heimildir Sky Sports.
Tottenham er sagt hafa áhuga á honum en félögin eru ekki samsíga þegar kemur að kaupverði.
Lo Celso er 23 ára gamall og er með söluákvæði sem hljóðar upp á 88 milljónir punda. PSG lánaði hann til Real Betis síðasta haust með kaupmöguleika sem spænska félagið nýtti sér í apríl, eftir að miðjumaðurinn hafði skoraði 16 mörk og lagt 8 upp í 45 leikjum.
Betis greiddi 22 milljónir punda fyrir Lo Celso í apríl og mun því væntanlega þéna dágóða upphæð ef hann verður seldur í sumar.
Sky Sports sagði frá því í síðustu viku að Lo Celso vildi fara í ensku úrvalsdeildina og væri spenntur fyrir því að vinna með landa sínum Mauricio Pochettino.
Tottenham er líka sagt vera á höttunum eftir Tanguy Ndombele, miðjumanni Lyon, og líklegt að félagið muni loksins kaupa leikmenn í sumar eftir að hafa ekkert keypt síðan í janúar 2018.
Sjá einnig:
Pochettino bíður eftir nýjum leikmönnum
Athugasemdir