Sjö sigrar hjá Fram í röð
Framarar unnu 5-1 sigur á Þrótti í 7.umferð Lengjudeildarinnar í kvöld. Þróttarar byrjuðu leikinn að krafti en Framarar skoruðu sín fyrstu mörk eftir vel útfærð föst leikatriði. Gæðin í Framliðinu er mikil. Jón Þórir Sveinsson þjálfari Fram var að vonum sáttur í leikslok.
Lestu um leikinn: Fram 5 - 1 Þróttur R.
„Mjög ánægður með sigurinn, þrjú stig er það sem þetta gengur út á," voru fyrstu viðbrögð Jóns eftir leik.
Framarar skoruðu fjögur fyrstu mörkin eftir föst leikatriði. Er verið að æfa þau sérstaklega í Safamýrinni ?
„Nei, við erum mjög hættulegir á mörgum vígstöðum. Við getum líka skorað úr opnu spili. Mér fannst Þróttararnir byrja mjög sterk og voru erfiðir. Við náðum að koma okkur inn í leikinn á föstum leikatriðum."
„Smá hnask, Albert bíður spenntur eftir að komast upp á Skaga í næstu viku og taka þátt í því, ég á ekki von á því að það verði lengra en það," Sagði Jón þegar hann var spurður út í stöðuna á Alberti Hafsteinssyni.
Það var mikil og góð stemning í Safamýrinni í kvöld.
„Það fylgir oft þegar gengur vel, við finnum fyrir því að það er andi í klúbbnum. Góð stemning og gaman og gleði."
Spekingar hafa talað um það að byrjað sé að skoða styrkingu á hópnum fyrir Pepsi deildina á næstu leiktíð. „Nei það er full snemmt að spá í það, við ætlum bara að halda áfram, það er langt eftir af mótinu. Við þurfum að vera á tánum og halda áfram, svo sjáum við til hvort að við höfum efni á því að leita að leikmönnum fyrir Pepsi."
Nánar er spjallað við Jón Þóri í spilaranum hér að ofan.
Athugasemdir