Tindastóll vann 2-0 sigur á Gróttu í Lengjudeild kvenna í kvöld
„Bara frábær sigur, liðssigur í raun og veru. Við ætluðum að koma og taka þessi þrjú stig og við gerðum það.“ Sagði Bryndís Rut, fyrirliði Tindastóls eftir 2-0 sigur á Gróttu í Lengjudeild kvenna í kvöld.
Lestu um leikinn: Grótta 0 - 2 Tindastóll
Leikurinn var kaflaskiptur og Tindastóll fékk nokkur tækifæri til að bæta við forystu sína, rétt eins og Grótta fékk sín færi. Bryndís segir að mikil barátta hafi verið inn á vellinum.
„Þetta var svona pínu barátta og við vildum skora fleiri en það bara gerist.“
Tindastóll hefur skorað níu mörk í deildinni og aðeins fengið tvö á sig. Bryndís er stolt af liðinu.
„Já, mjög svo, og mjög fá mörk sem við fáum á okkur sem er jákvætt.“
„Við erum búnar að segja það nokkrum sinnum að okkur langar að fara upp og það er stefnan. Ef að við höldum liðsheildinni og okkar leikjum áfram, þá hef ég fulla trú á að við stöndum við það.“
„Bara halda áfram okkar leið, þetta er ekki flókið, bara spilum okkar leik.“
Viðtalið í heild sinni má nálgast í spilaranum hér að ofan.
Athugasemdir