Þróttur fer í bikarúrslitaleikinn.
„Tilfinningin er frábær. Ég er ótrúlega stoltur af stelpunum," sagði Nik Anthony Chamberlain, þjálfari Þróttar, eftir 4-0 sigur gegn FH í undanúrslitum Mjólkurbikars kvenna.
Lestu um leikinn: Þróttur R. 4 - 0 FH
Úrslitin gefa kannski ekki alveg rétta mynd af leiknum FH spilaði vel á löngum köflum.
„Seinna markið var mjög mikilvægt. FH er alvöru lið. Við vissum að þær færa boltann vel. Við ætluðum að reyna að beita skyndisóknum á þær. Þær eru mjög góðar og ég er viss um að þær verði með okkur í Pepsi Max-deildinni á næstu leiktíð."
Þróttur er á leið í sinn fyrsta bikarúrslitaleik í sögunni. Liðið mun mæta annað hvort Breiðablik eða Val.
„Persónulega, þá vil ég mæta Breiðablik því þá getum við spilað Ollu í úrslitaleiknum," sagði Nik en Ólöf Sigríður er á láni hjá Þrótti frá Val.
Leikur Breiðablik og Vals var að hefjast og er auðvitað í beinni textalýsingu.
Hér að ofan má sjá viðtalið í heild sinni. Þar ræðir Nik um útlendingana sem hann fær í Þrótt, Eddu Garðars sem markvörð og fagnaðarlætin.
Athugasemdir
