Dagur Ingi í leik með Leikni F.
Dagur Ingi Valsson reyndist hetja Keflavíkur þegar hann tryggði Keflavík sætan sigur á liði Víkings frá Ólafsvík á Nettóvellinum í kvöld. Mikill vindur var í Keflavík í kvöld og það nýtti Dagur sér til fullnustu þegar hann tryggði liði sínu sigur með fallegu marki af vítateigslínunni eftir rúmlega 70 mínútna leik.
Lestu um leikinn: Keflavík 2 - 1 Víkingur Ó.
„Hún var mjög góð. Við vorum ekki búnir að eiga mörg skot en það var mjög gaman að sjá þetta detta.“
Sagði Dagur um tilfinninguna að sjá boltann í netinu,
Sumarið hjá Keflavík hefur verið kaflaskipt og næst á dagskrá þeirra er útileikur gegn Þrótti R. sem þar sem Keflavík á harma að hefna eftir slæmt tap fyrr í sumar.
„Við förum inn í þann leik til að vinna hann og kemur í ljós hvernig hann fer en við ætlum klárlega að spila betur en seinast á móti þeim þar sem við áttum slakan leik.“
Dagur Ingi er alin upp hjá Leikni.F sem stefnir nú hraðbyri upp í Inkasso deildina. Verður ekki skrýtið fyrir Dag að mæta þeim mögulega í deildinni að ári?
„Jú það verður mjög sérstök tilfinning, blendnar tilfinningar. Þeir eru ekki komnir upp en við sjáum til hvernig það fer.“
Sagði brosmildur Dagur Ingi en allt viðtalið má sjá hér að ofan.
