Nýliðar Lecce unnu óvæntan sigur gegn Torino á útivelli þegar liðin mættust í ítölsku úrvalsdeildinni í kvöld.

Lecce spilaði vel í leiknum og komust gestirnir yfir á 35. mínútu þegar Diego Farias skoraði. Staðan var 1-0 í hálfleik.

Snemma í seinni hálfleiknum jafnaði markahrókurinn Andrea Belotti fyrir Torino úr vítaspyrnu, en Lecce lét það ekki mikið á sig fá og komst aftur yfir á 73. mínútu; Marco Mancosu með markið.

Það reyndist sigurmarkið í leiknum, lokatölur 2-1 fyrir Lecce sem nær í sín fyrstu stig á tímabilinu. Torino hafði unnið báða leiki sína fyrir leikinn í kvöld.