Vlahovic er 21 árs gamall og er áskrifandi á mörk í ítölsku deildinni en hann gerði 21 mark á síðasta tímabili og var valinn besti ungi leikmaður deildarinnar.

Hann er þegar kominn með fimm mörk í öllum keppnum á þessari leiktíð og hefur vakið áhuga stórliða í Evrópu.

Samningur hans er í gildi til 2023 en Rocco Comisso, eigandi Fiorentina, getur þó ekki lofað því að Vlahovic framlengi við félagið.

„Hann er góður strákur og góður fyrir Flórens. Ég vona að hann verði hér til lengri tíma. Mun hann skrifa undir nýjan samning? Ég ætla ekki að fara að lofa upp í ermina á mér," sagði Comisso.