Glódís skoraði sitt fyrsta mark fyrir Bayern um síðustu helgi, í 4-0 sigri gegn Freiburg.

Hún gerði þriðja mark liðsins á 66. mínútu. Glódís lék allan leikinn fyrir Bayern en Karólína Lea Vilhjálmsdóttir sat allan tímann á varamannabekknum.

Þessi frammistaða Glódísar skilaði henni sæti í liði vikunnar í þýsku úrvalsdeildinni hjá tímaritinu ELFEN_fussball. Glódís var fastagestur í liði vikunnar í Svíþjóð og spurning er hvort það verði þannig í Þýskalandi líka.

Glódís er núna komin í landsliðsverkefni þar sem er framundan leikur hjá Íslandi gegn Hollandi í undankeppni HM.