Hann tryggði Ítölum sanngjarnan sigur gegn Póllandi en hann skoraði eina mark leiksins í uppbótartímanum.

Þetta var fyrsta landsliðsmark Biraghi en þessi 26 ára gamli leikmaður var að spila sinn þriðja landsleik. Hann tileinkaði mark sitt Davide Astori, sem hann spilaði með hjá Fiorentina á síðustu leiktíð. Astori, sem var fyrirliði Fiorentina, lést langt fyrir aldur fram í mars síðastiðnum. Hann var 31 árs.

„Astori er hluti af mér, eins og allir liðsfélagar mínir hjá Fiorentina og allir þeir sem spiluðu með honum," sagði Biraghi eftir leikinn.

„Ég tileinka honum markið vegna þess að það er honum að þakka að ég er hérna. Hann kenndi mér svo mikið."

Astori hafði greinilega mikil áhrif á Biraghi en eftir andlát Astori fékk Biraghi sér húðflúr til minningar um hann.

Cristiano Biraghi celebrated scoring Italy's winning goal with a tribute to former Fiorentina captain Davide Astori 1️⃣3️⃣💜 pic.twitter.com/5vhblDmshv

— B/R Football (@brfootball) October 14, 2018