Frakkar fá Þýskaland í heimsókn. Þjóðverjar urðu Heimsmeistarar 2014 en Frakkar eru ríkjandi Heimsmeistarar.
Hvað gerir Gíbraltar?
Síðasti leikdagurinn í Þjóðadeildinni í þessu landsleikjaverkefni er í dag og það er sannkallaður stórleikur á dagskrá. Heimsmeistarar Frakklands mæta Þýskalandi.
Frakkland gerði 2-2 jafntefli við Ísland á fimmtudaginn síðasta eftir að hafa lent 2-0 undir. Það hefur lítið gengið hjá Þjóðverjum upp á síðkastið og fróðlegt verður að sjá hvernig þessi leikur mun spilast. Hann verður sýndur í beinni á Stöð 2 Sport.
Annar leikur sem er sýndur í beinni er leikur nágrannaþjóðanna Írlands og Wales í B-deild. Úkraína og Tékkland mætast líka í B-deild og þá eru tveir leikir í C-deild. Lars Lagerback, fyrrum landsliðsþjálfari Íslands, mætir Búlgaríu, en hann er í dag landsliðsþjálfari Noregs.
Nær Gíbraltar að vinna aftur
Gíbraltar vann á laugardag sinn fyrsta mótsleik í sögunni, liðið vann 1-0 sigur gegn Armeníu.
Þetta var fyrsti sigur Gíbraltar í mótsleik en þjóðin var tekin inn í FIFA 2013. Í raun var þetta í fyrsta sinn sem Gíbraltar fékk stig í mótsleik.
Í dag spilar Gíbraltar við annað smáríki, Lichtenstein. Það er mjög athyglisverður leikur en allir leikir dagsins eru hér að neðan.
A-deild
18:45 Frakkland - Þýskaland (Stöð 2 Sport)
B-deild
18:45 Úkraína - Tékkland
18:45 Írland - Wales (Stöð 2 Sport 3)
C-deild
18:45 Noregur - Búlgaría
18:45 Slóvenía - Kýpur
D-deild
14:00 Kasakstan - Andorra
16:00 Armenía - Makedonía
18:45 Lettland - Georgía
18:45 Gíbraltar Lichtenstein
Athugasemdir
