Eintracht Frankfurt tók á móti Bayer Leverkusen í síðasta leik helgarinnar í þýska boltanum.

Gestirnir frá Leverkusen voru mun betri í fyrri hálfleik en Danny da Costa kom heimamönnum yfir gegn gangi leiksins og var staðan 1-0 þegar flautað var til leikhlés.

Heimamenn tóku stjórn á eliknum í síðari hálfleik og tvöfölduðu forystuna sína með marki frá Filip Kostic.

Karim Bellarabi minnkaði muninn eftir skyndisókn gestanna en heimamenn í Frankfurt verðskulduðu sigurinn og eru í fimmta sæti efstu deildar. Leverkusen er í neðri hlutanum, átta stigum eftir Frankfurt.