Stóri Sam: Ég vel hann sem besta mann HM, ekki Mbappe eða Messi

Griezmann hefur verið að leika aftar en hann er vanur með franska landsliðinu. Hann hefur sjálfur ekki skorað á mótinu en verið með mikinn sköpunarmátt og átti báðar stoðsendingarnar í 8-liða úrslitum gegn Englandi.

Lionel Messi og Kylian Mbappe leiða baráttuna um gullskóinn en Stóri Sam telur að enginn hafi spilað betur en Griezmann.

„Ég er ekki í nokkrum vafa um að Antoine Griezmann ætti að vera valinn maður mótsins. Ég hef aldrei séð leikmann fara í nýja stöðu og spila eins vel," segir Stóri Sam.

„Lionel Messi og Kylian Mbappe eiga spretti sem allir muna eftir, eins og Messi gegn Króatíu. Svo man maður kannski ekki eftir öðru sem þeir gerðu en þeir valdir menn leiksins. Ef horft er á framlag yfir allt mótið þá fær Griezmann 9 eða jafnvel 10 af 10 mögulegum."

„Það sem Mbappe og Messi gera á sunnudag mun væntanlega ráða því hvor þeirra verður leikmaður mótsins. En Griezmann hefur skarað fram úr," segir Stóri Sam Allardyce.

Argentína og Frakkland eigast við í úrslitaleik HM á sunnudaginn.