Heimild: Sportskeeda
Talið er að Harry Kane sóknarmaður Tottenham geti verið frá í allt að tvo mánuði eftir að hafa lent í ökklameiðslum í tapi gegn Manchester United síðustu helgi.
Mauricio Pochettino þjálfari Tottenham segir að þeir geti ekki notað meiðslin sem afsökun ef þeir ná ekki öllum sínum markmiðum á þessu tímabili.
„Auðvitað er Harry Kane einn besti framherji í heimi, við getum ekki neitað því." Segir Pochettino.
„En í öllum liðum með vonir um að ná árangri verða þau að vera með sinn besta leikmann, en það getur ekki verið afsökun ef við náum ekki okkar markmiðum."
Kane varð fyrir meiðslum á loka sekúndum leiksins í tapi gegn Manchester United á sunnudaginn en Tottenham er nú níu stigum á eftir toppliði Liverpool.
Harry Kane hefur skorað 14 mörk í deildinni á þessu tímabili og spilaði algjört lykilhlutverk í að koma Tottenham í 16 liða úrslit Meistaradeildarinnar. Fjarvera hans gæti haft alvarleg áhrif á Tottenham og möguleika þeirra á að vinna einhverja titla.
Athugasemdir