Fótbolti.net

fös 17. janúar 2020 12:00

Elvar Geir Magnússon

Björn Hlynur spáir í leiki helgarinnar á Englandi

Björn Hlynur Haraldsson.

Mynd: Aðsend

Bjarki Már Elísson, landsliðsmaður í handbolta, skellti sér upp að hlið Arons Einars á toppnum með því að fá sjö rétta í síðustu umferð.

Björn Hlynur Haraldsson, einn okkar fremsti leikari, stefnir að því að skáka þeim báðum. Björn Hlynur fer hamförum í þáttunum Witcher sem notið hafa mikilla vinsælda á Netflix að undanförnu.

Þá er Björn Hlynur einn af eigendum sportbarsins Ölver en þar eru allir stórleikir helgarinnar sýndir, þar á meðal viðureign Liverpool og Manchester United á sunnudag.

Watford 1 - 1 Tottenham (laugardag 12:30)
Tottenham gengur illa að klára leiki án Harry Kane. Watford skorar sigurmarkið en missir það í VAR.

Brighton 1 - 1 Aston Villa 1-1 (laugardag 15)
Allir sáttir með stig. Takk og bless.

Manchester City 4 - 0 Crystal Palace (laugardag 15)
City á eftir að enda með bestu markatölu liðs sem vinnur ekki titilinn. Munu stúta nokkrum leikjum fram á vor. Þessi er einn af þeim.

West Ham 0 - 0 Everton (laugardag 15)
Verður leiðinlegasti leikur tímabilsins. Hvorugt liðið veit neitt um í hvorn takkaskóinn það á að stíga.

Arsenal 1 - 1 Sheffield United (laugardag 15)
Já, þetta er umferð leiðinlegu jafnteflanna. Sheffield skorar og Arsenal klórar í bakkann á síðustu stundu.

Norwich 1 - 1 Bournemouth (laugardag 15)
Sjúklega óspennandi jafntefli. Bæði lið ná að pota marki inn. Enn ekki hvað?

Southampton 1 - 1 Úlfarnir (laugardag 15)
Heimamenn hressir upp á síðkastið. Úlfarnir sterkir en vanmeta þá rauðhvítröndóttu. Southampton dóminera leikinn en missa hann niður í lokin.

Newcastle 1 - 2 Chelsea (laugardag 17:30)
Lampard og co. kreista út sigur. Verður ekki fallegt en taka þrjú stig með í rútuna heim.

Burnley 0 - 2 Leicester (sunnudag 14)
Vardy með bæði. Öruggt og huggulegt.

Liverpool 2 - 2 Man Utd (sunnudag 16:30)
Hitt jafnteflið sem Liverpool mun gera þetta tímabilið. Ole kann betur á Klopp en margur annar. Hann er krútt og Jurgen vill ekki niðurlægja hann. Gefur honum því eitt stig. Vinnur svo rest.

Sjá fyrri spámenn:
Aron Einar Gunnarsson (7 réttir)
Bjarki Már Elísson (7 réttir)
Kristján Óli Sigurðsson (6 réttir)
Pálmi Rafn Pálmason (6 réttir)
Egill Gillz Einarsson (5 réttir)
Jón Dagur Þorsteinsson (5 réttir)
Sóli Hólm (5 réttir)
Albert Brynjar Ingason (4 réttir)
Arnór Sigurðsson (4 réttir)
Ágúst Gylfason (4 réttir)
Friðrik Dór Jónsson (4 réttir)
Logi Bergmann Eiðsson (4 réttir)
Þórður Ingason (4 réttir)
Sigurður Laufdal Haraldsson (3 réttir)
Guðmundur Benediktsson (3 réttir)
Ingibjörg Sigurðardóttir (3 réttir)
Sveinn Ólafur Gunnarsson (3 réttir)
Árni Vilhjálmsson (2 réttir)
Gunnar Birgisson (2 réttir)
Tómas Þór Þórðarson (2 réttir)

		L	U	J	T	ms:	mf:	mun	Stig
1	Arsenal	38	26	7	5	71	27	+44	85
2	Man City	38	23	9	6	77	35	+42	78
3	Man Utd	38	20	11	7	69	50	+19	71
4	Aston Villa	38	19	8	11	56	49	+7	65
5	Liverpool	38	17	9	12	63	53	+10	60
6	Bournemouth	38	13	18	7	58	54	+4	57
7	Sunderland	38	14	12	12	42	48	-6	54
8	Brighton	38	14	11	13	52	46	+6	53
9	Brentford	38	14	11	13	55	52	+3	53
10	Chelsea	38	14	10	14	58	52	+6	52
11	Fulham	38	15	7	16	47	51	-4	52
12	Newcastle	38	14	7	17	53	55	-2	49
13	Everton	38	13	10	15	47	50	-3	49
14	Leeds	38	11	14	13	49	56	-7	47
15	Crystal Palace	38	11	12	15	41	51	-10	45
16	Nott. Forest	38	11	11	16	48	51	-3	44
17	Tottenham	38	10	11	17	48	57	-9	41
18	West Ham	38	10	9	19	46	65	-19	39
19	Burnley	38	4	10	24	38	75	-37	22
20	Wolves	38	3	11	24	27	68	-41	20