Það hefur sjaldan verið jafn mikil eftirvænting fyrir þessum fjandslag en liðin eru um svipaðar slóðir í toppbaráttunni sem stendur.

Jürgen Klopp og Ole Gunnar Solskjær eru búnir að staðfesta byrjunarliðin sín og er ýmislegt sem kemur á óvart.

Liverpool er að glíma við mikil meiðslavandræði í vörninni hjá sér og munu Fabinho og Jordan Henderson spila sem miðverðir. Þá er pláss fyrir Xherdan Shaqiri í byrjunarliði Liverpool en hann hefur ekki byrjað úrvalsdeildarleik í rúmt ár.

Shaqiri heldur Alex Oxlade-Chamberlain, Curtis Jones og Takumi Minamino á varamannabekknum.

Solskjær geymir Mason Greenwood og Edinson Cavani á bekknum og mætir til leiks með fleiri miðjumenn en vanalega. Það verður áhugavert að sjá hvort hann sé að breyta leikskipulagi Rauðu djöflanna eða hvort Paul Pogba verði færður út á kant.

Anthony Martial, Marcus Rashford og Bruno Fernandes mynda áhugaverða sóknarlínu og verður Scott McTominay á miðsvæðinu ásamt Fred.

Liverpool: Alisson, Alexander-Arnold, Fabinho, Henderson, Robertson, Wijnaldum, Thiago, Shaqiri, Salah, Mane, Firmino
Varamenn: Kelleher, Milner, Oxlade-Chamberlain, Jones, Minamino, Origi, R Williams, Phillips, N Williams

Man Utd: De Gea, Wan-Bissaka, Lindelöf, Maguire, Shaw, Fred, Pogba, McTominay, Fernandes, Rashford, Martial
Varamenn: Henderson, Bailly, Cavani, Mata, Greenwood, Telles, Matic, Van de Beek, Tuanzebe