Selfyssingar hafa fengið framherjann Alfi Conteh-Lacalle til liðs við sig fyrir átökin í Inkasso-deildinni í sumar.
Alfi ólst upp hjá Barcelona og skoraði meðal annars átta mörk í þrettán leikjum með B liði félagsins áður en hann fór í spænsku neðri deildirnar.
Síðan þá hefur Alfi meðal annars leikið í Grikklandi, Ungverjalandi, Andorra og síðast í Noregi.
Alfi lék einnig fjóra leiki með U19 ára landsliði Spánar árið 2004.
Þessi 32 ára gamli leikmaður á ættir að rekja til Sierra Leone og árið 2008 lék hann einn landsleik þar.
Alfi er kominn til Íslands og verður með Selfyssingum gegn KR í Lengjubikarnum á sunnudaginn.
Athugasemdir