Paulo Dybala er ekki alveg klár í slaginn.
Juventus verður án fjögurra sterkra leikmanna í fyrri leik liðsins gegn Porto í 16-liða úrslitum Meistaradeildarinnar í kvöld.
Paulo Dybala er byrjaður að æfa aftur eftir hnémeiðsli en ekki tilbúinn fyrir leikinn gegn Porto.
Andrea Pirlo, stjóri Juventus, segir að varnarmaðurinn Leonardo Boncucci sé smávægilega meiddur og ekki klár í slaginn í kvöld.
Þá eru miðjumaðurinn Arthur og kantmaðurinn Juan Cuadrado einnig frá en miðjumaðurinn Aaron Ramsey ferðaðist með liðinu í leikinn eftir að hafa jafnað sig á meiðslum.
Leikurinn í kvöld hefst klukkan 20:00 og fer fram á Drekavöllum, heimavelli Porto í Portúgal.
Athugasemdir
