Fjölnir hafði betur gegn Gróttu er liðin mættust í C-deild Lengjubikars kvenna í gær.
Tinna Jónsdóttir kom Gróttu yfir í fyrri hálfleik en Rósa Pálsdóttir jafnaði og var staðan 1-1 í leikhlé.
Allt var í járnum í upphafi síðari hálfleiks en Fjölnisstúlkur komust yfir þegar Tinna Brá Magnúsdóttir varð fyrir því óláni að setja knöttinn í eigið net.
Skömmu síðar fékk Birna Rún Erlendsdóttir rautt spjald og var lokakaflinn erfiður fyrir tíu leikmenn Gróttu.
Fjölnir bætti tveimur mörkum við undir lokin og uppskar 1-4 sigur.
Sameinað lið Fjarðabyggðar, Leiknis F. og Hattar skoraði þá sjö mörk gegn sameinuðu liði Sindra og Einherja.
C-deild, riðill 1:
Grótta 1 - 4 Fjölnir
1-0 Tinna Jónsdóttir ('20)
1-1 Rósa Pálsdóttir ('34)
1-2 Tinna Brá Magnúsdóttir ('71, sjálfsmark)
1-3 Rósa Pálsdóttir ('90)
1-4 Írena Björk Gestsdóttir ('90)
Rautt spjald: Birna Rún Erlendsdóttir, Grótta ('78)
C-deild, riðill 3:
Fjarðabyggð/Leiknir/Höttur 7 - 2 Sindri/Einherji
Upplýsingar um markaskorara vantar
Markaskorarar af urslit.net
Athugasemdir