Oviedo fékk fallbaráttulið Gimnastic í heimsókn og var staðan markalaus eftir fyrri hálfleikinn en heimamenn komust yfir skömmu eftir leikhlé.

Diego kom inná í kjölfarið og innsigluðu heimamenn sigurinn með marki á 80. mínútu. Þetta var fyrsti sigur Oviedo í einn mánuð og er liðið einu stigi frá umspili um sæti í efstu deild.

Einum leik er einnig lokið í efstu deild á Spáni þar sem Eibar fékk Real Valladolid í heimsókn.

Búist var við sigri heimamanna sem stjórnuðu leiknum og voru 1-0 yfir þar til í uppbótartíma.

Gestirnir frá Valladolid fengu vítaspyrnu sem Daniele Verde skoraði úr og tveimur mínútum síðar slapp Sergio Guardiola einn í gegn eftir skyndisókn og potaði inn ólíklegu sigurmarki.

Real Oviedo 2 - 0 Gimnastic
1-0 Joselu ('53)
2-0 C. Fernandez ('80)

Eibar 1 - 2 Real Valladolid
1-0 Fabian Orellana ('54 )
1-1 Daniele Verde ('91 , víti)
1-2 Sergi Guardiola ('93 )