Baines hefur verið í 13 ár á mála hjá Everton og hann vill halda vegferð sinni áfram hjá félaginu þrátt fyrir að hafa aðeins spilað sex leiki í öllum keppnum á þessari leiktíð.

Carlo Ancelotti, stjóri Gylfa Þórs Sigurðssonar og félaga í Everton, vill ólmur halda í Baines.

Síðasta sumar var vinstri bakvörðurinn orðaður við bæði félögin í Los Angeles í Bandaríkjunum, Los Angeles Galaxy og LAFC, en hann hallast núna að því að vera áfram í bláa hluta Liverpool-borgar. Börn hans þrjú eru öll í skóla í Merseyside og honum sjálfum líður vel á svæðinu.

Þess má geta að Baines er aðeins tíu leikjum frá því að bæta met Tim Howard yfir flesta leiki með Everton í ensku úrvalsdeildinni. Met Howard eru 354 leikir.