Eins og fram kom í dag hefur leik Íslands og Rúmeníu í umspili fyrir EM verið frestað þar til í júní en leikurinn á að fara fram í næstu viku. Stefnt er á að leikurinn fari fram í byrjun júní.
Sigurvegarinn mætir Ungverjalandi eða Búlgaríu í úrslitaleik um sæti á EM.
Sigurvegarinn mætir Ungverjalandi eða Búlgaríu í úrslitaleik um sæti á EM.
Uppselt er á leikinn gegn Rúmeníu en miðakaupendum stendur til boða að halda miðunum, eða fá þá endurgreidda.
Frekari upplýsingar verða sendar til miðakaupenda með tölvupósti, en KSÍ greinir frá þessu í dag.
Úrslitakeppni EM A landsliða karla hefur verið frestað um eitt ár og fer keppnin fram sumarið 2021 frá 11. júní til 11. júlí. Engar breytingar eru fyrirhugaðar á fyrirkomulagi úrslitakeppninnar.
Athugasemdir