Leyton Orient heldur áfram að skemmta stuðningsmönnum sínum og öðrum í því fótboltaleysi sem er núna í gangi að sökum kórónuveirunnar.
Vanalega á laugardögum þá geta stuðningsmenn Leyton Orient fylgst með textalýsingu á Twitter úr þeim leik sem liðið spilar hverju sinni. Liðið, sem er í 17. sæti D-deildarinnar á Englandi, átti síðasta laugardag að spila við Bradford en þeim leik var frestað eins og flestum öðrum leikjum á Englandi.
Þess vegna fengu stjórnendur Twitter-reiknings Leyton Orient snilldarhugmynd. Þeir ræstu tölvuleikinn Football Manager og spiluðu með Leyton Orient gegn Bradford í leiknum.
Stuðningsmenn fengu að taka þátt í að taka ákvarðanir og féll það mjög vel í kramið.
Núna ætlar Leyton Orient að fara af stað með stórt mót í tölvuleiknum FIFA þar sem Orient og 127 önnur félög í Evrópu taka þátt. Enska D-deildarliðið fékk önnur félög til að taka þátt með því að nota kassamerkið #UltimateQuaranTeam á Twitter.
Mörg félög voru fljót að svara kallinu og verður dregið í þetta mót á morgun, miðvikudag.
Sjá einnig:
Met í Football Manager spilun
🚨 SAY HELLO TO YOUR CONTENDERS!
— Leyton Orient (@leytonorientfc) March 16, 2020
Here is the full list of 128 teams competing in the #UltimateQuaranTeam Cup!
Represented:
🏴🏴🇮🇪🏴🇹🇷🇺🇸🇫🇷🇳🇱🇬🇷🇦🇺 🇦🇹🇵🇹🇪🇸🇮🇹 🇩🇰 🇧🇪
The draw will take place on *Wednesday* now - more info to follow.
Who's do you make as the favourite then? 🤔
👇 pic.twitter.com/FYX78hMm2P
Athugasemdir