Leikvangurinn í Pétursborg.
FIFA hefur gefið út ákæru á Rússa eftir að stuðningsmenn landsliðsins voru með kynþáttaníð í garð leikmenn Frakklands í vináttulandsleik í síðasta mánuði.
Apahljóðum var beint að hörundsdökkum leikmönnum Frakklands í leiknum sem fór fram í Pétursborg. Frakkar fögnuðu 3-1 sigri.
Apahljóðum var beint að hörundsdökkum leikmönnum Frakklands í leiknum sem fór fram í Pétursborg. Frakkar fögnuðu 3-1 sigri.
Kylian Mbappe, Ousmane Dembele og Paul Pogba voru meðal þeirra sem apahljóðunum var beint að.
FIFA segist hafa fundið nóg af sönnunum til að gefa út ákæru á rússneska knattspyrnusambandið.
Kynþáttafordómar hafa lengi verið vandamál í rússneska fótboltanum og eru miklar áhyggjur af þessu vandamáli í aðdraganda HM sem fram fer í Rússlandi í sumar.
Mótið hefst eftir tæpa tvo mánuði en Rússar mæta Sádi Arabíu í setningarleiknum í Moskvu. Annar leikur Rússa verður í Pétursborg, gegn Egyptalandi.
Athugasemdir
