Óljóst er hvort Dele Alli geti byrjað leikinn.
Það er óljóst hvort að Dele Alli og Erik Lamela verði klárir í slaginn fyrir leikinn gegn Manchester City í Meistaradeildinni í kvöld.
Tottenham heimsækir Man City í seinni leik liðanna í 8-liða úrslitum Meistaradeildarinnar. Fyrri lekurinn endaði með 1-0 sigri Tottenham og spennan er því mikil.
Tottenham heimsækir Man City í seinni leik liðanna í 8-liða úrslitum Meistaradeildarinnar. Fyrri lekurinn endaði með 1-0 sigri Tottenham og spennan er því mikil.
Alli handarbrotnaði í fyrri leiknum gegn City. Mauricio Pochettino, stjóri Tottenham, sagði í gær:
„Við þurfum að skoða hann. Við eigum eftir eina æfingu og eftir hana sjáum við til hvort það sé mögulegt fyrir hann að byrja leikinn eða byrja á bekknum."
Lamela og Alli ferðuðust með til Manchester, en miðjumaðurinn Harry Winks verður ekki með. Hann varð fyrir nárameiðslum á æfingu.
Þá er ljóst að Harry Kane, Serge Aurier og Eric Dier verða allir fjarri góðu gamni í kvöld.
Hjá Manchester City er lykilmaðurinn Fernandinho tæpur.
Athugasemdir
