Samningur hins 33 ára gamla Dzeko við Roma rennur út eftir næsta tímabil.

Hann þekkir ensku úrvalsdeildina eftir að hafa leikið með Manchester City áður en hann fór til Roma 2015. Það sem meira er, er að Dzeko þekkir Manuel Pellegrini, stjóra West Ham. Hann og Pellegrini unnu saman hjá City.

Dzeko skoraði 32 mörk í 80 leikjum undir stjórn Pellegrini og hjálpaði City að verða Englandsmeistari 2013/14.

Dzeko hefur skorað 86 mörk í 171 leik í öllum keppnum á fjórum árum hjá Roma.

West Ham er í 11. sæti ensku úrvalsdeildarinnar.