Atletico Madrid tók á móti Espanyol í spænska boltanum í dag og úr varð ansi dramatískur leikur.
Atletico var 1-0 yfir þegar miðjumaðurinn Geoffrey Kondogbia fékk sitt seinna gula spjald frá dómaranum og var rekinn útaf.
Kondogbia var spjaldaður fyrir að setja hendina í boltann en þegar atvikið er skoðað í endursýningu kemur í ljós að hann hefði líklegast aldrei átt að vera spjaldaður fyrir þetta.
Frakkinn eftirsótti, sem á rætur að rekja til Afríku og leikur fyrir landslið Mið-Afríkulýðveldisins, kastaði sér fyrir langskot gestanna en boltinn skaust af fótleggnum hans og í hendina sem var þó meðfram líkamanum.
Dómarinn dæmdi aukaspyrnu og gult spjald og tók mótmæli heimamanna ekki til greina eins og er hægt að sjá hér fyrir neðan.
Athugasemdir
