Stokkseyri jafnaði tvisvar en Hörður kláraði dæmið
Einn leikur fór fram í A-riðli 4. deildar karla í kvöld og einn leikur í C-riðli. Þetta voru fyrstu leikir liðanna þetta árið.
Í Kórnum tók lið Ýmis á móti Árborg í A-riðli. Arnar Freyr Guðmundsson gerði eina mark leiksins fyrir Ými á 19. mínútu. Ýmir er því ásamt Birninum og SR komið með þrjú stig á toppi riðilsins.
Í C-riðli tóku heimamenn í Stokkseyri á móti Herði frá Ísafirði á Stokkseyrarvelli. Markalaust var fram að 42. mínútu þegar Haraldur Jóhann kom Herði yfir og leiddu gestirnir í leikhléi.
Örvar Hugason jafnaði leikinn fyrir heimamenn þegar sex mínútur voru liðnar af seinni hálfleik. Flóki Hrafn kom gestunum aftur yfir sjö mínútum seinna. Eyþór Gunnarsson jafnaði leikinn aftur fyrir heimamenn þegar um stundafjórðungur lifði leiks.
Sigurmarkið kom svo á 87. mínútu þegar Daníel Wade Adeleye skoraði fyrir gestina. Góð byrjun á mótinu fyrir Hörð frá Ísafirði.
Í Kórnum tók lið Ýmis á móti Árborg í A-riðli. Arnar Freyr Guðmundsson gerði eina mark leiksins fyrir Ými á 19. mínútu. Ýmir er því ásamt Birninum og SR komið með þrjú stig á toppi riðilsins.
Í C-riðli tóku heimamenn í Stokkseyri á móti Herði frá Ísafirði á Stokkseyrarvelli. Markalaust var fram að 42. mínútu þegar Haraldur Jóhann kom Herði yfir og leiddu gestirnir í leikhléi.
Örvar Hugason jafnaði leikinn fyrir heimamenn þegar sex mínútur voru liðnar af seinni hálfleik. Flóki Hrafn kom gestunum aftur yfir sjö mínútum seinna. Eyþór Gunnarsson jafnaði leikinn aftur fyrir heimamenn þegar um stundafjórðungur lifði leiks.
Sigurmarkið kom svo á 87. mínútu þegar Daníel Wade Adeleye skoraði fyrir gestina. Góð byrjun á mótinu fyrir Hörð frá Ísafirði.
Ýmir 1-0 Árborg
1-0 Arnar Freyr Guðmundsson ('19)
Stokkseyri 2-3 Hörður Í.
0-1 Haraldur Jóhann Hannesson ('42)
1-1 Örvar Hugason ('51)
1-2 Flóki Hrafn Harðarson ('58)
2-2 Eyþór Gunnarsson ('74)
2-3 Daníel Wale Adeleye ('87)
Athugasemdir