fös 17. maí 2019 17:30
Guðmundur Aðalsteinn Ásgeirsson
Alltof fljótur á sér - Enginn hafði meiri trú á Leeds
Mynd: BBC - Skjáskot
Það hafði líklega enginn meiri trú á Leeds í Championship-umspilinu en Jamie Richardson frá Jórvíkurskíri.

Hann var svo viss um að Leeds myndi loksins snúa aftur í ensku úrvalsdeildina að hann fékk sér húðflúr þess efnis.

Það er spurning hvort hann sjái eftir þeirri ákvörðun í dag því Leeds tapaði í vikunni í undanúrslitum umspilsins gegn Derby. Það verða Derby og Aston Villa sem mætast í úrslitaleik umspilsins á Wembley.

Þetta er ekki í fyrsta sinn sem Richardson spáir í spilin í fóboltanum með því að fá sér húðflúr. Og ekki í fyrsta sinn sem spádómur hans rætist ekki.

Síðasta sumar fékk hann sér „Englands Heimsmeistarar 2018" húðflúr.

England féll úr leik í undanúrslitunum gegn Króatíu.

Er ekki bara sniðugara að bíða þangað til úrslitin eru ráðin?

Sjá einnig:
Húðflúraði bikarinn á sig áður en Liverpool missti af titlinum



Athugasemdir
banner
banner
banner