fös 17. maí 2019 19:08
Sæbjörn Þór Þórbergsson Steinke
Pochettino á hliðarlínunni gegn Liverpool
Mynd: Getty Images
Mauricio Pochettino mun stýra sínu liði, Tottenham, í úrslitaleik Meistaradeildarinnar af hliðarlínunni.

Pochettino var dæmdur í eins leiks bann vegna þess að bíða þurfti með að byrja seinni hálfleikinn í fyrri leik Tottenham og Ajax í undanúrslitum Meistaradeildarinnar.

Erik ten Hag, stjóri Ajax fékk viðvörun vegna þessa en þar sem þetta var í annað sinn á leiktíðinni þar sem leikurinn fer ekki af stað á réttum tíma hjá Tottenham var Pochettino dæmdur í eins leiks bann.

Félagið er sektað um tíu þúsund pund. Pochettino tekur ekki út leikbannið en er samkvæmt BBC á svokölluðu skilorði í eitt ár.

Tottenham mætir Liverpool í úrslitaleik Meistaradeildarinnar þann 1. júní í Madrid.
Athugasemdir
banner
banner
banner