Kólumbíski sóknarmaðurinn Radamel Falcao horfði á stórleik Borussia Dortmund gegn Schalke í þýska boltanum í gær og var hissa þegar hann sá fagn heimamanna eftir fyrsta mark leiksins sem norski táningurinn Erling Braut Haaland skoraði.
Leikmenn verða að virða tveggja metra regluna þegar þeir fagna mörkum til að takmarka mögulega smithættu af kórónuveirunni. Falcao spyr sig hvort nauðsynlegt sé að framfylgja þessari reglu.
„Ég er að horfa á endurkomu fótboltans og spyr sjálfan mig: Ætli það sé tæknileg ástæða fyrir því að leikmönnum er ekki leyft að faðmast þegar þeir skora mörk?" skrifaði Falcao á Twitter.
„Leikmenn eru stöðugt að snertast, í hornspyrnum eru varnarmenn ofan í sóknarmönnum! Svo eru menn hlið við hlið þegar þeir þurfa að standa í varnarvegg."
Viendo el retorno del fútbol me pregunto: ¿Existirá una razón técnica para que no se permita el abrazo en los goles? Durante todo el partido estamos en constante contacto. ¡En un tiro de esquina están los defensores encima tuyo!. En las barreras están todos juntos 🤔
— Radamel Falcao (@FALCAO) May 16, 2020
Athugasemdir