Hany Ramzy, einn af leikjahæstum leikmönnum í sögu egypska landsliðsins, var aðstoðarþjálfari Hector Cuper hjá landsliðinu 2018.
Hann segir að á tíma sínum með Egyptalandi hafi Salah talað um tilboð frá Real Madrid sem hann hafnaði.
„Á landsliðsæfingu í Sviss í mars 2018 sagði Salah mér frá afar góðu tilboði frá Real Madrid. Hann ræddi við mig og Hector Cuper um tilboðið en ákvað að vera áfram hjá Liverpool því honum leið vel þar," sagði Ramzy við OnTime Sports.
Nokkrum mánuðum síðar átti Salah eftir að spila úrslitaleik Meistaradeildarinnar gegn Real Madrid. Þar handleggsbrotnaði hann snemma leiks eftir viðskipti við Sergio Ramos og missti af fyrstu leikjum heimsmeistaramótsins í Rússlandi.
Salah tókst þó að vinna Meistaradeildina með Liverpool einu ári síðar.
Athugasemdir