Það er að birta til yfir knattspyrnuheiminum þar sem ný kórónuveirutilfelli fara sífellt minnkandi í Evrópu. Þýski boltinn er farinn af stað og vonandi munu enski, ítalski og spænski fylgja í næsta mánuði, auk íslenska boltans. Hér fyrir neðan má sjá slúðurpakka dagsins, það styttist í að félagaskiptaglugginn opni.
Kylian Mbappe, 21, ætlar ekki að yfirgefa PSG í sumar útaf kórónuveirunni. Hann ætlar að vera eitt ár í viðbót hjá félaginu og fara næsta sumar. (L'Equipe)
Juventus og Man Utd nálgast samkomulag um félagaskipti Paul Pogba, 27. Samlandi hans, hinn 25 ára gamli Adrien Rabiot, gæti farið hina leiðina. (L'Equipe)
Zinedine Zidane, þjálfari Real Madrid, er þó enn staðráðinn í því að fá Pogba til félagsins. (Mundo Deportivo)
Newcastle ætlar að bjóða í Wilfried Zaha, 27 ára kantmann Crystal Palace, ef yfirtakan heppnast. (Sun)
Chelsea fær tæplega 50 milljónir punda frá Atletico Madrid fyrir spænska sóknarmanninn Alvaro Morata, 27, í sumar. Peningarnir gætu verið notaðir til að fjármagna kaup á Jadon Sancho, tvítugum kantmanni Dortmund. (Sun)
Man City leiðir kapphlaupið við Man Utd um Thiago Almada, 19 ára miðjumann Velez Sarsfield. (Sun)
Arsenal hefur áhuga á Neto, þrítugum varamarkverði Barcelona. (Express)
Leicester og Watford hafa áhuga á Gonzalo Plata, 19 ára kantmanni Sporting CP. (Record)
Inter er nálægt því að ganga frá samningi við Dries Mertens, 33 ára framherja Napoli og belgíska landsliðsins. (La Repubblica)
Philippe Clement, þjálfari Club Brugge, býst við að missa stjörnuleikmann sinn Emmanuel Dennis, 22, í sumar. Sóknarmaðurinn hefur meðal annars verið orðaður við Arsenal, Newcastle og Wolves. (La Derniere Heure)
Mohamed Salah, 28, hafnaði tilboði frá Real Madrid fyrir tveimur árum. Þetta segir Hany Ramzy, fyrrum aðstoðarþjálfari egypska landsliðsins. (On Time Sports)
Chelsea telur sig leiða kapphlaupið við Tottenham um kaupin á Lamare Bogarde, 16 ára miðjumanni Feyenoord. (Football Insider)
Athugasemdir
