Farfan hefur gert 27 mörk í 95 landsleikjum með Perú.
Fregnir halda áfram að berast af knattspyrnumönnum sem greinast með kórónuveiruna enda allir atvinnumenn prófaðir reglulega í þeim deildum þar sem æfingar eru farnar aftur af stað.
Veiran hefur verið að ganga mikið á milli manna í ítalska boltanum og eru tveir leikmenn hjá Parma sýktir. Þeir komu báðir jákvæðir úr fyrra veiruprófinu en voru báðir orðnir neikvæðir 24 tímum síðar. Þeir eru þrátt fyrir það í einangrun og munu taka fleiri próf næstu daga.
Leikmennirnir eru báðir einkennalausir og bætast í hóp með leikmönnum Torino, Fiorentina og Sampdoria sem hafa greinst með kórónuveiruna síðustu daga.
Í Rússlandi eru fregnir um fyrsta COVID-19 smit leikmanns. Perúvski kantmaðurinn Jefferson Farfan kom jákvæður úr veiruprófi en hann hefur verið lykilmaður í liði Lokomotiv Moskvu undanfarin ár.
Farfan er 35 ára gamall og gerði garðinn frægan með PSV Eindhoven og Schalke.
Athugasemdir
