Jürgen Klopp var ótrúlega stoltur af sínum mönnum eftir sigur á útivelli gegn Southampton í eina leik kvöldsins í ensku úrvalsdeildinni.
Liverpool þurfti að sigra leikinn til að halda í vonina um Englandsmeistaratitilinn en Klopp gerði níu breytingar á byrjunarliðinu á milli leikja vegna meiðslavandræða og mikils leikjaálags.
Þrátt fyrir breytingarnar tókst 'varaliði' Liverpool að yfirspila Southampton og tryggja verðskuldaðan 1-2 sigur.
„Þetta er ótrúlegur leikmannahópur sem ég er með. Það er glæpur að Minamino fái ekki meiri spiltíma en hann fær. Harvey hefur ekki spilað lengi, Curtis fær ekki að spila mikið, en þeir skila sínu. Það er ótrúlegt. Við gerðum níu breytingar og fengum samt svona frammistöðu, það er framúrskarandi," sagði Klopp að leikslokum.
„Við hefðum lent í gífurlegum vandræðum í dag hefðum við spilað á sömu leikmönnum og spiluðu 120 mínútur á laugardaginn."
Klopp var ekki sáttur með fyrsta mark leiksins þegar Southampton komst yfir því það virtist vera brotið á Diogo Jota í aðdragandanum. Þá bendir hann á að Aston Villa, andstæðingur Manchester City í lokaumferðinni, fái aðeins tveggja daga hvíld á milli síðustu deildarleikja sinna.
„Við fengum mark á okkur uppúr þurru, líklega eftir brot, en strákarnir létu það ekki á sig fá og héldu áfram að spila fótbolta og njóta sín. Ég veit að ég bið þá um mikið og er virkilega stoltur af strákunum. Við erum bara búnir að gera þrjú jafntefli síðan í janúar þrátt fyrir ýmislegt mótlæti eins og meiðsli og Covid smit.
„Ég hef aldrei verið með svona leikmannahóp áður þar sem leikmenn eru í stöðugri samkeppni og gera hvorn annan betri. Þetta er sérstakt kvöld sem gekk upp útaf því að ég er með frábæran leikmannahóp.
„Við getum aðeins hugsað um okkur sjálfa en þetta verður erfið lokaumferð. Aston Villa spilar erfiðan leik við Burnley, sem er að berjast fyrir lífi sínu, á fimmtudag og svo aftur á sunnudag.
„Það er samt ennþá möguleiki. Þegar City vann deildina 2019 minnir mig að það hafi verið útaf 11 millimetrum.
„Það er ekki líklegt að við verðum meistarar en það er möguleiki. Það nægir fyrir okkur."
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
