Eiður Aron Sigurbjörnsson átti hreint magnaðan leik þegar Valur vann 1-0 sigur gegn Rosenborg á Hliðarenda fyrir tæpri viku síðan. Hann átti stórleik varnarlega og skoraði sigurmarkið. Liðin mætast aftur í Þrándheimi á morgun.
Fótbolti.net ræddi við Eið eftir æfingu Valsmanna í gær.
Fótbolti.net ræddi við Eið eftir æfingu Valsmanna í gær.
„Við náðum upp frábærum leik á Íslandi og nú er bara erfiður leikur framundan á miðvikudag. Við þurfum að eiga algjöran toppleik. Hjá Rosenborg er gerð krafa að slá út Val og það gætu orðið einhver læti," segir Eiður.
„Við förum í leikinn til að spila góðan fótbolta og verja markið okkar eins og menn. Þá ættum við að geta farið héðan glaðir."
„Fyrri leikurinn var með mínum betri leikjum í langan tíma held ég. Vonandi fæ ég að kljást aftur við Bendtner og þessa gæja, mér finnst það helvíti skemmtilegt. Allt liðið varðist frábærlega í fyrri leiknum og þá er auðvelt að líta vel út."
„Það þarf ekkert stress. Þetta er bara fótboltaleikur og við eigum að njóta þess að spila. Við höfum fulla trú á því að við getum klárað þetta verkefni. Ef við náum upp svipuðum leik og í síðustu viku förum við áfram, þeir sköpuðu sér nánast ekkert."
Sjáðu viðtalið í heild í sjónvarpinu hér að ofan en þar talar Eiður meðal annars um að styrkleiki Pepsi-deildarinnar endurspeglist í úrslitum íslenskra liða í Evrópuleikjum síðustu viku.
Athugasemdir