Chelsea, Arsenal og Juventus eru meðal félaga sem virtust vera á góðri leið með að krækja í Aleksandr Golovin þar til fyrir skömmu.
Það sem gerðist er að Mónakó bauð í rússneska miðjumanninn og staðfesti varaforseti félagsins að þar á bæ væru miklar vonir bundnar við tilboðið.
„Við erum búnir að bjóða í Golovin, miðjumann CSKA Moskvu," sagði Vadim Vasilyev, varaforseti Mónakó, við Sport Express.
„Við gerðum mjög gott tilboð í leikmanninn og buðum honum frábæran fimm ára samning.
„Við teljum að þetta sé fullkomið skref fyrir Golovin á þessum tímapunkti ferilsins, hann er ennþá ungur.
„Við bindum miklar vonir við þetta tilboð og búumst við svari í dag eða á morgun. Ef því verður hafnað þá leitum við á önnur mið, við viljum fylla í leikmannahópinn sem fyrst."
Athugasemdir