West Ham mætir Watford á sportstöð Símans í kvöld. Þar er um að ræða hörkuslag í fallbaráttu úrvalsdeildarinnar þar sem liðin eru jöfn á stigum, þremur stigum fyrir ofan fallsvæðið og með leik til góða.

Á laugardaginn á Norwich leik við Burnley en eftir að honum lýkur fer stórslagur af stað á Wembley þar sem Manchester City spilar við Arsenal.

Man City hvíldi lykilmenn í 2-1 sigri á Bournemouth í vikunni á meðan Arsenal sigraði nýkrýnda meistara Liverpool með Hector Bellerin og Pierre-Emerick Aubameyang á bekknum til að byrja með.

City hefur unnið síðustu sjö innbyrðisviðureignir liðanna og áhugavert að sjá hvort Mikel Arteta nái að knýja fram taktískan sigur á læriföður sínum Pep Guardiola. Leikurinn verður sýndur beint á Stöð 2 Sport 2.

Á sunnudaginn á Bournemouth leik við Southampton áður en Tottenham og Leicester eigast við í stórleik í úrvalsdeildinni. Tottenham þarf sigur í Evrópudeildarbaráttunni á meðan Leicester þarf sigur í Meistaradeildarbaráttunni.

Manchester United og Chelsea mætast í síðasta leik dagsins en þau eigast við í undanúrslitum enska bikarsins. Rauðu djöflarnir hafa unnið fjórar af síðustu fimm innbyrðisviðureignum liðanna. Chelsea hefur ekki haft betur síðan í úrslitaleik FA bikarsins vorið 2018.

Á mánudaginn eru svo þrír leikir á dagskrá í úrvalsdeildinni. Sheffield United og Everton eigast við á sama tíma og Brighton mætir Newcastle. Deginum lýkur á viðureign Wolves og Crystal Palace.

Föstudagur:
19:00 West Ham - Watford (Síminn Sport)

Laugardagur:
16:30 Norwich - Burnley (Síminn Sport)
Enski bikarinn:
18:45 Arsenal - Man City (Stöð 2 Sport 2)

Sunnudagur:
13:00 Bournemouth - Southampton (Síminn Sport)
15:00 Tottenham - Leicester (Síminn Sport)
Enski bikarinn:
17:00 Man Utd - Chelsea (Stöð 2 Sport 2)

Mánudagur:
17:00 Sheffield Utd - Everton (Síminn Sport)
17:00 Brighton - Newcastle (Síminn Sport 2)
19:15 Wolves - Crystal Palace (Síminn Sport)