Alexander Már Þorláksson kom Kára yfir á 30. mínútu áður en Andri Júlíusson bætti við öðru tíu mínútum síðar. Jónas Aron Ólafsson minnkaði muninn í byrjun síðari hálfleiks en lengra komst liðið ekki og lokatölur 2-1 fyrir Kára.

Kári er í efsta sæti deildarinnar með 31 stig en Tindastóll í ellefta sæti með 11 stig.

Huginn vann þá ótrúlegan 2-1 sigur á Völsungi. Travis Nicklaw kom Húsvíkingum yfir á 60. mínútu og allt útlit fyrir það að liðið myndi fagna sigri en heimamenn héldu þó ekki. Króatarnir Neto og Ivan Neres skoruðu tvö mörk í blálokin og tryggðu dramatískan sigur.

Mikil dramatík var í leiknum og fékk Freyþór Hrafn Harðarson að annað gult spjald og þar með rautt. Það var þó alröng dómgæsla þar sem Bergur Jónmundsson hafði fengið gult spjald fyrr í leiknum og hélt dómari leiksins að Freyþór hefði fengið spjaldið og ruglaðist því á leikmönnum.

Huginn er í neðsta sæti deildarinnar með 9 stig en Völsungur í þriðja sæti með 28 stig.

Nokkuð viss um að Helgi Ólafsson hafi dæmt inn síðasta leik á Seyðisfjarðarvelli í kvöld. #fotboltinet

— Ármann Örn (@armannorn) August 17, 2018

Úrslit og markaskorarar:

Huginn 2 -1 Völsungur
0-1 Travis Nicklaw ('60 )
1-1 Nedo Eres ('89 )
2-1 Ivan Eres ('93 )

Tindastóll 1 - 2 Kári
0-1 Alexander Már Þorláksson ('30 )
0-2 Andri Júlíusson ('40 )
1-2 Jónas Aron Ólafsson ('51 )