Birmingham og Swansea gerðu markalaust jafntefli, 0-0, er liðin mættust á St. Andrews leikvanginum í Birmingham í kvöld.

Heimamenn voru töluvert betri aðilinn í leiknum og áttu mörg hættuleg færi í fyrri hálfleik. Liðið kom boltanum í netið en það var dæmt af eftir að brotið var á Erwin Mulder markverði Swansea.

Swansea tókst að halda út og ná í eitt stig á útivelli en heimamenn hljóta að vera ósáttir við úrslitin.

Birmingham er með tvö stig eftir þrjá leiki á meðan Swansea hefur unnið tvo leiki og gert eitt jafntefli og er því með sjö stig.