Alþjóðaknattspyrnusambandið FIFA sektaði í dag spænska félagið Atlético Madrid um 40 þúsund evrur fyrir að brjóta reglur sambandsins varðandi félagaskipti.
Atlético Madrid festi kaup á leikmanni, sem var í eigu félags og þriðja aðila, en nafn leikmannsins kemur ekki fram.
Samkvæmt FIFA þá má þriðji aðili ekki taka þátt í félagaskiptum og var Atlético því sektað í kjölfarið.
Atlético var sett í félagaskiptabann fyrir tveimur árum fyrir að kaupa leikmenn sem voru þá undir aldri og virðist félagið eiga í erfiðleikum með að fara eftir settum reglum.
Liðið vann Real Madrid í Ofurbikar Spánar á dögunum, 4-2, þar sem Diego Costa skoraði tvö mörk og var besti maður leiksins.
Athugasemdir