Bjarni Jó hér lengst til hægri
Njarðvík fór langleiðina með að tryggja sér sæti í Lengjudeildinni á næstu leiktíð með 2-1 sigri á Haukum í kvöld.
Lestu um leikinn: Haukar 1 - 2 Njarðvík
Bjarni Jóhannsson þjálfari Njarðvíkur var að vonum ánægður með sigurinn.
„Þetta var mjög vel gert hjá okkur, Haukarnir eru með mjög sprækt lið. Við brugðumst vel við því mótlæti sem við lentum í í upphafi leiks, brennum af víti og svo fá þeir víti tveimur mínútum seinna og skora," sagði Bjarni.
Bjarni var ekki tilbúinn að fagna sætinu í Lengjudeildinni strax.
„Meðan að lið geta náð okkur þá er algjör óþarfi að vera leggjast í kampavínsbað. Það kemur seinna vonandi," sagði Bjarni og hló.
