Þýskaland: Nýliðar Heidenheim náðu í fyrsta sigur tímabilsins - Darmstadt glutraði niður þriggja marka forystu

Heidenheim hafði aðeins náð í eitt stig í fyrstu þremur leikjunum en mætti svo sannarlega til leiks í dag.

Tim Kleindienst kom heimamönnum yfir úr víti á 5. mínútu og bætti Eren Dinkci við öðru undir lok hálfleiksins með glæsilegu hlaupi þar sem hann lék á hvern varnarmanninn á fætur öðrum áður en hann skoraði.

Marvin Ducksch fékk tækifæri til að minnka muninn í byrjun síðari er gestirnir fengu vítapspyrnu. Markvörður Heidenheim varði spyrnuna en boltinn datt aftur fyrir Ducksch sem bætti upp fyrir klúðrið.

Mitchell Weiser jafnaði með skalla marki áður en nýliðarnir gerðu út um leikinn með tveimur góðum mörkum. Dinkci skoraði annað laglegt mark með skoti fyrir utan teig áður en Jan-Niklas Beste gulltryggði sigurinn, einnig með marki fyrir utan teig.

Heidenheim í 11. sæti með 4 stig en Bremen í sætinu fyrir neðan með 3 stig.

Nýliðar Darmstadt fóru illa að ráði sínu í 3-3 jafnteflinu gegn Borussia Mönchengladbach.

Heimamenn náðu þriggja marka forystu í fyrri hálfleiknum með mörkum frá Marvin Mehlem, Matej Maglica og Tim Starke, en Gladbach svaraði í síðari.

Það fór allt í hundanna þegar Maglica var rekinn af velli á 49. mínútu og vítaspyrna dæmd. Vítið var varið auðveldlega en leikmenn Gladbach létu það ekki á sig fá.

Jordan Siebatcheu og Florian Neuhaus skoruðu fyrir Gladbach áður en Tomas Cvancara bætti upp fyrir vítaklúðrið og sótti stig fyrir gestina. Gladbach er með 2 stig í 14. sæti en Darnstadt var að ná í sitt fyrsta stig.

Úrslit og markaskorarar:

Heidenheim 4 - 2 Werder
1-0 Tim Kleindienst ('5 , víti)
2-0 Eren Dinkci ('44 )
2-1 Marvin Ducksch ('49 )
2-1 Marvin Ducksch ('49 , Misnotað víti)
2-2 Mitchell Weiser ('64 )
3-2 Eren Dinkci ('68 )
4-2 Jan-Niklas Beste ('76 )

Darmstadt 3 - 3 Borussia M.
1-0 Marvin Mehlem ('8 )
2-0 Matej Maglica ('10 )
3-0 Tim Skarke ('33 )
3-0 Tomas Cvancara ('50 , Misnotað víti)
3-1 Jordan Siebatcheu ('56 )
3-2 Florian Neuhaus ('73 )
3-3 Tomas Cvancara ('77 )
Rautt spjald: Matej Maglica, Darmstadt ('49)