Allavega þrír leikmenn á förum frá Breiðabliki eftir tímabilið
Mikkel Qvist.
Mynd: Fótbolti.net - Hafliði Breiðfjörð
Mikkel Qvist.
Mynd: Fótbolti.net - Hafliði Breiðfjörð
Óskar Hrafn Þorvaldsson, þjálfari Breiðabliks, segir í samtali við 433.is að það séu allar líkur á því að allavega þrír leikmenn séu á förum frá félaginu eftir tímabil.
Breiðablik er búið að tryggja sér Íslandsmeistaratitilinn en félagið hefur í sumar verið það langbesta í Bestu deildinni.
Breiðablik er búið að tryggja sér Íslandsmeistaratitilinn en félagið hefur í sumar verið það langbesta í Bestu deildinni.
Óskar Hrafn var í viðtali við 433.is þar sem hann sagði frá því að allar líkur væru á því að Adam Örn Arnarson, Mikkel Qvist og Omar Sowe væru á förum frá félaginu.
Allir komu þessir leikmenn til félagsins fyrir leiktíðina sem nú stendur yfir en þeir spiluðu ekki stórt hlutverk.
Sowe er sóknarmaður sem er á láni hjá Kópavogsfélaginu frá New York Red Bulls en hinir tveir eru báðir að renna út á samningi.
Qvist er danskur varnarmaður sem hefur spilað mjög lítið hlutverk og Adam Örn er bakvörður sem kom heim úr atvinnumennsku fyrir tímabilið. Hann náði ekki að brjóta sér leið inn í lið Blika og var lánaður til Leiknis um mitt mót.
Breiðablik er með tíu stiga forskot á toppi Bestu deildarinnar þegar tvær umferðir eru eftir.
Allir komu þessir leikmenn til félagsins fyrir leiktíðina sem nú stendur yfir en þeir spiluðu ekki stórt hlutverk.
Sowe er sóknarmaður sem er á láni hjá Kópavogsfélaginu frá New York Red Bulls en hinir tveir eru báðir að renna út á samningi.
Qvist er danskur varnarmaður sem hefur spilað mjög lítið hlutverk og Adam Örn er bakvörður sem kom heim úr atvinnumennsku fyrir tímabilið. Hann náði ekki að brjóta sér leið inn í lið Blika og var lánaður til Leiknis um mitt mót.
Breiðablik er með tíu stiga forskot á toppi Bestu deildarinnar þegar tvær umferðir eru eftir.
