Mohamed Salah vill titilinn
Mohamed Salah, leikmaður Liverpool, skoraði sigurmark liðsins í 1-0 sigrinum á Manchester City í ensku úrvalsdeildinni í gær.
Salah byrjaði tímabilið mjög vel en hefur átt erfitt uppdráttar undanfarið eða þangað til hann kom inná á móti Rangers í Meistaradeildinni.
Hann skoraði þrennu á sex mínútum í þeim líka og fylgdi því á eftir með frábærri frammistöðu gegn Man City þar sem hann gerði sigurmarkið stundarfjórðungi fyrir leikslok.
Liverpool er fjórtán stigum frá toppnum en Salah er með það sem persónulegt markmið að berjast um titilinn.
„Við þurfum ekki að hugsa um titilinn í augnablikinu en persónulega þá elska ég að vera að spila alltaf um hann."
„Í hausnum á mér ætla ég að berjast um hann en við þurfum að einbeita okkur að einum leik í einu."
„Við þurfum ekki finna fyrir þeirri pressu að það er enn bil á milli okkar og þeirra liða sem eru í fyrsta og öðru sæti en auðvitað ætlum við að berjast um titil."
„Við sem leikmenn og sem lið ættum að vera í betri stöðu. Leikmennirnir eru spenntir fyrir því að vinna og það gefur okkur mikið þegar við förum inn í næstu leiki," sagði Salah.
